गत २०८१ मंसिर २३ र २४ गते भोजपुर जिल्ला, हतुवागढी गाउँपालिका, घोडेटारमा सम्पन्न २० औँ बान्तावा राष्ट्रिय कविता महोत्सव तथा २० औँ बुङ्वाखा वार्षिकोत्सवमा आयोजित बान्तावा राष्ट्रिय कविता प्रतियोगीतामा साविक हतुवागढी, होम्ताङ घर भई हाल धरान, सुनसरी निवासी कवि भीम विरही राईको कविता दोस्रो घोषित भई पुरस्कृत भएको थियो । प्रस्तुत छ उहाँको कविता र प्रस्तुति :
मामा पापाचिओ नङदा छाप्लाहान
भीम विरहि राइ
आइ बड्ढेका हिप्लादेङ छाप्ला छाप्तुङ्कि
मामापापाचिओ नङ्दा
फेङ हान्तुङङोङ्चङ
आखोमाङ सेन्मुयुदा खान्अत्लोक खाङुङ
खोन्कि खाङ्चिभोपदा छाङ झाराक
साप्टेनदा भुङ्सावासा खाराङा
हेन्खामादा माक्मुइया कि कुहुक्मा बानाङा
मामा,
खोनबेन अङ दिवाआ
सुप्तुलुङ ना खुयुकि खात्तु ङो रे
अङ्का छे सेन्मुयुदा ङे दिवा सेनुङ
खोन्कि ययाङा
आइमित ओ खानानिन्आ ओक्को
रात्मा कोप्मा अरनामिन
आइमित आम्नो ना
माङ्छिलाम हाङ्छिलाम ङा मासाखारा युङ्सा
अङ्का खात्तुङ कि रे ढिरिनाम छिरिनाम मेत्तुङ
दिवालावा पालावा पसा युङ्सुङ
सुप्तुलुङ ना आन्को सायाओ, माङओ
खोन्कि सायालुङ, मामालुङ, पापालुङ रे ओ
खोन्कि अङ्का छे
सुम्निचा पारुचा, सोलोन्दि पेन्चाम्दि
कि माग्बि सुबि, चासुखिरि मुसा
कोङतुक्मा सोमतुक्मा मान्युङ्दामा
निकि लासुङ थुङ्सुङ ।
पापा,
खोन्कि ठिन्टाङ कि
मुक्लावा चाअ्वाआ रेप्याङ्सा
माङ्सावा हाङ्सावा पमा लिने
आम्नो माङ्छिलोङ्मा पसा
फिदुम लाम खाराओ झाराक सुदुमलाम ताने
नि रे लोङ युङ्सुङ ।
खानाचि छे खिमदा
खोक्माखोक्पा अलिसाचि
खोन नुछाङ
मोन्कोमोन्को खिम कोप्सा
रियोङ्मापायोङ्मा बानहिडा छाङ खानाचिङा
अङ्काना ह्याना नियुङ्खाया युङ्ङा कि मित्नाचि
अखाप्पु भोन्टाखाराओ खिम
वासुरिडाओ रोसिमबुङ
बक्खा बुकुचोमडाओ चÞक्खान राङ
डाक्चिखामडाओ थेत्वा
थेत्वाडाओ युङ्चेम
खोन्कि मिन्ङा मोक्को युङ्चेमआ,
चाअ्वाखामआ, मोक्को लोक्छुम लाङहुप्मा
कि झाराआ छे
अङ्का ङे अहुङ्ङाङा ओन्दे
अङ्का ना निहाङ्होन्या खुराम मुङाङा ।
लु मोलोक
मोदा खानाचि कोङ टुक्मा मान्मुमा
नुयाम मुसा सायानुमा पसा युङाचि
अङ्का चक्नि ङा खिम टाङा
खोन्किना सुम्तुक्खा लिसा खारिन ।
हेङ्मा अदोत्निन अक्लेन ना आन्को छाङ
खखोरोब ङा नुलेन टा
अङ्का खिम टाङाङ कि नाम्मित टारिन
चोम्पि–चोम्पि आम्चो काचि मु याङ्सा युङाङाचि
खिम टोङ्सा टेन टोङिन
टेन टोङ्सा रिमि टोङिन
रिमि टोङिन कि रे हाङ्होन टोङिन ।
धरान– १५, सुनसरि
................
